شباب يدخلوا مدرسة بنات

بسم الله الرحمن الرحيم


شباب يدخلون مدرسة بنات
ترى هالقصة والله حقيقة صارت بمدرستي وطلعت بالجرايد إذا شفتوها.
ريم:ريوم والله اني حيل طفشانة ما ابي أروح بكرة المدرسة.
رغد :والله حتى أنا يا ريوم بس لازم نروح تونا أمس غايبين وبعدين ضيعنا مواد كثيرة وأنا ما أفهم إلا من شرح المعلمات.
ريم:صدق والله بس أنا بجي بكرة عشان إختبار القواعد عشاني ماخذه الأجوبه من الفصل الثاني هع هع هع هااي.
رغد: والله منتي بهينة..
ريم:شفتي كيف؟؟
رغد:يله يله خلينا ندخل الفصل تأخرنا وما لقينا إلا هلحمام؟؟ أففففففف
ريم:ههههههههههههههههههه والله انك صادقة يله شمينا <<<<يعني مشينا
ودخلوا الفصل وهم يضحكون.
أعرفكم على ريم ورغد:
ريم:بنوته حلوة مره عيونها وساع وشعرها أسود وطويل لنص الظهر ودائما تسوي " بوف" وجسمها حلو والمريول مخصر عليها وشخصيتها مره جذابة عربجيه قوية وما تخاف من أحد وفي نفس الوقت حنونة.
رغد:صديقة ريم بالروح تشبه ريم بس ريم أحلى منها وكل اللي يشوفهم يقولون خوات .
المعلمة :ريم رغد ليه متأخرين وش قاعدين تسوون بالحمام .
ريم:إستاذة ممكن أسأل سؤال؟؟
المعلمة:خير اللهم إجعله خيراً إسألي.
ريم: إستاذة البنات وش يسوون بحمام المدرسة بالعقل؟؟
والبنات بس يضحكون مع العلم إن المدرسة شخصيتها حيل ضعيفة.
المعلمة: تطالعها بنظرة إحتقار وأنا وش مدريني أسألي نفسك.
ريم: ها ها هاي >>>> "وبصوت خفيف والله إنك مخفة"
رغيد ردي عليها عساها تفهم.
رغد:والله يا إستاذة البنات يروحون الحمامات بس عشان شي واحد واحد لا غير.
المعلمة: إلي هو.
رغد: يعني بالعقل البنات ما يروحون الحمامات إلاعشان يسوووولفووووون يسولفون.
المعلمة : وانتوا الحين طالعين نص الحصة إلا الحصة كلها بس عشان تسولفون؟؟!!!!
ريم ورغد: إيه نعم.
المعلمة: وتعترفون بعد..
ريم ورغد: والله يا إستاذة ما نبي نكذب عشانك..
المعلمة : يا قليلات الحيا يله قدامي وقفوا جمب السبورة و وجيهكم عالجدار.
وباقي ما كملت كلامها إلا والجرس يدق.
ريم:هاهاهاي دق الجرس وعناد أبجلس..
المعلمة: تخز فيها وتقول طيب حسابك بعدين وطلعت..
والبنات على طول راحوا لريم ورغد.
ريم : مهاوي منو علينا إلحين.
مها:علينا أممم دقيقة أشوف الجدول... إيه علينا تفسير.
ريم: يوووووه يا كرهي له ولمعلمته.
رغد: ولبه إنتي من متى تحبين مادة أو معلمة.
ريم:رغيد وش رايك نهرب من الحصة؟؟
رغد: إيه والله فكرة حلوة .
ريم: يله خلينا نرجع شنطنا وأغراضنا ورى عشان ما تعرف إنا إحنا جايات.
رغد:يله.
ورجعوا شنطهم وأغراضهم وطلعوا قبل ما تجي المعلمة.
ريم:رغيد والله حيل عجيانه"جيعانه" خلينا نروح نشتري وناكل عشان نتمشى صح.
رغد:والله حتى أنا عجيانه شمينا للمقصف.
وشروا وكلوا وبعدين شروا ماي وراحوا يتمشون فوق
ريم: رغيد تصدقين والله مليت من هالروتين البايخ أبي أغامر أبي اسوي شي ما يخطر عالبال.
رغد: أقول إمشي وخلي عنك هالسوالف.
وقاعدين يمشون ويسولفون ويحشون في بنات ومعلمات وناس ما يعرفونهم يعني الزبدة ما خلو حد.
وشوي سمعوا صوت غريب صوت خشن مو صوت بنت.
رغد:رويم وش هالصوت؟؟
ريم:وانا وش مدريني حالي حالك ... بس أقول خلينا نروح نستكشف.
رغد:والله اني خايفة بس أدري إني مهما أقول بنروح يعني بالنروح.
ريم:أجل يله شمينا.
وقاعدين يدورون مصدر الصوت ويدورون ويدورون إلين عرفوا مصدره.
رغد:رويم الصوت جاي من هنا وتأشر على فصل مهجور.
ريم: أجل هذي مغامرتي
رغد:أي مغامرة؟؟ يمكن يكون جني.
ريم: وهذا اللي أبيه.
رغد:إنتي أنهبلتي؟!!!
ريم:والله يمكن ماهي ببعيدة
رغد: وتنكت بعد.
ريم: أقول تدخلين معي ولا ؟؟
رغد: لا بدخل والشكوى على الله بس دقيقة خلينا نتحصن.
ريم: يله عاد.
رغد: دقيقة وأخلص .... خلصت يله.
ريم ورغد ماسكين مقبض الباب
ريم: رغيد بعد من واحد لثلاثة وتفتحين معي مو تشردين وتخليني لحالي..
رغد: أفا عليك أنا أخلي خويتي؟؟
ريم: أجل يله.
رغد: دقيقة دقيقة إذا قلنا ثلاثة بالظبط ولا بعد ما نقول ثلاثة.
ريم: لما أقول يله.
رغد: أجل يله.
ريم بصوت عالي :يله
++وفتحوا الباب وشافوا خمس أشخاص وانصدموا صدمة قوية
ريم: رغيد إنتي شايفه اللي أنا أشوفه؟؟
رغد: لا شكلي أحلم طقيني خليني أصحصح.
ريم:وش جاب هالعيال مدرستنا؟؟
رغد:............
ريم: عيال عيال في مدرستنا؟؟
ولفوا عليها العيال وانصدموا وقاعدين يتأملون في ريم ورغد.
تكلم واحد من العيال: هلا هلا والله بالزين كله.
ريم ورغد توهم يستوعبون اللي شافوه
ريم: خير خير والله قاط الميانه وش شايفني عندك تأدب لأجمع المعلمات والبنات عليك.
الولد: وحتى لو كانت معي هذي؟؟
وطلع كاميرا فيديو ومسدس وسكين
والعيال نفس الشي
ريم خافت شوي بس مسكت اعصابها :ها ها هااااي خوفتوني ولمعلوماتكم ترى عيب البزارين يشيلون مسدس وسكين روحوا روحوا رجعوها للبابا بعدين يضربكم.
رغد وهي تسحب في ريم: يله يله والله انهم عصبوا خلينا نهرب قبل لا يسوون شي واللي يسلمك تكفين.
ريم:لالا خلينا نرفع شوي في ضغطهم وبعدين نرشد"نشرد"
رغد:يووووووه وش بسوي الحين؟؟
ريم: انتوا الحين ليه جايين؟؟ مو عيب؟؟
العيال: والله عيب؟؟ ما كنا ندري
ريم: أصلا إنتوا ما تعرفون الأدب أهاليكم ما ربوكم <<< أكشخ اللي تعرف الأدب.
رغد: ريم يله واللي يسلمك خلينا نروح نعلم عليهم تكفييين
ريم وبصوت عالي: ليه نروح نعلم هم يجون يشوفون وقامت تصارخ يا بنات يا مدرسات يا المديرة الدب فيه عيال <<< لاتخلو من السب
العيال توهقوا وقاموا ركض للباب ويدزون رغد وريم ونسوا أغراضهم ونسوا زعاطتهم ولا يعرفون وين يروحون كل الطالبات والمعلمات حوليهم ومحوطين عليهم
و ريم ميته ضحك هههههههههههههههههههههههههههههههههههههههههههههههههه ههههههههههههههههه والله أشكالكم حفله
والعيال يطالعون فيها بحقد وكره :والله ما تسلمين من يدينا
ريم تغير وجهها للوجه الثاني والكل بعد عنها حتى رغد لأنها تعرف إن محد راح يقدر عليها لما تعصب: وش ما سمعت وشو ما اسلم من يديكم وانتوا وش شايفين انفسكم الحين يم حوطوا عليكم البنات ما عرفتوا وش تسوون أجل وش بتسوون قدامي ترى انتوا ماخذين على انفسكم مقلب انتوا كلكم مخفه انتوا ما تعرفون من أنا أنا ريم بنت سلطان بن......... إذا ما كنتوا تدرون
ولاحظت إن واحد منهم كان حيل مستغرب يوم نطقت الأسم بس ما اهتمت وتكمل انتوا مجرد حشرات قدامي والحين الحين إن ما اتصلت عالشرطة ما أكون أنا ريم>>> ماسكة خط.
واتجهت عالدرج وبعدين لفت عليهم وشافت الكل متجه للدرج وحاولت توقفهم بس عددهم كبير عليها ونزلوا كلهم ماعدا واحد طب من فوق الدرج وطاح.
ريم: جعل ربي يكسر يدينك.
وقاموا البنات والمعلمات يمدحونها ويسولفون معها ومر اليوم طبيعي.

بعد سنتين
انخطبت ريم وفي ليلة الدخلة
شافته وكانت حيل مستحيه وهي تقول في نفسها:كأني شفته بمكان بس مدري والله وين وين يا ربي.
وقعدت هي وخطيبها يتكلمون شوي وبعد ما خلصوا سألها خطيبها فيصل:إلا يا رورو يقولون طبوا عليكم عيال في مدرستكم.
ريم: ايه والله بس من زماااان من قبل سنتين.
فيصل:إيه ويقولون فيه واحد انكسرت ايده.
ريم: إيه والله مدري وش فيه طب من فوق الدرج وشكل إيده انكسرت تصدق.
فيصل:زي هذي؟؟ وفتح كم ثوبه وقعد يطالع فيها بإعجاب وابتسامه تدوخ .
ريم وقفت منصدمه تطالع فيه وتطالع في ايده .
ومن الخجل طلعت برى الغرفة.
وفيصل يطالع فيها وهي طالعه ويضحك بصوت عالي.
وريم ماتت من الحيا ..
النهاية